മിത്ര കുര്യൻ വിവാഹിതയാകുന്നു
മലയാള സിനിമാ നടി മിത്ര കുര്യന്‍ വിവാഹിതയാകുന്നു. പ്രശസ്ത കീബോര്‍ഡിസ്റ്റും നിരവധി സിനിമാ പിന്നണി ഗാനങ്ങളുടെ പ്രോഗ്രാമറുമായ വില്യം ഫ്രാന്‍സിസാണ് മിത്രയുടെ വരന്‍. ഒരു വര്‍ഷത്തോളമായി ഇരുവരും പ്രണയത്തിലായിരുന്നു.
2012ല്‍ അമേരിക്കയിൽ നടന്ന ഒരു താരനിശയില്‍ പങ്കെടുത്ത് മടങ്ങവെയാണ് മിത്രയും വില്യമും കണ്ടുമുട്ടുന്നത്. പിന്നീട് ആ സൗഹൃദം വളരുകയും പ്രണയത്തിന് വഴി മാറുകയുമായിരുന്നു. തൃശ്ശൂര്‍ താലോര്‍ സ്വദേശിയായ വില്യം മലയാള സിനിമയില്‍ നിരവധി സംഗീത സംവിധായകര്‍ക്കായി പ്രോഗ്രാമുകള്‍ ചെയ്തിട്ടുണ്ട്. അരികെ, തിരുവമ്പാടി തമ്പാന്‍ ലാപ്‌ടോപ്പ് തുടങ്ങിയ ചിത്രങ്ങളും പുറത്തിറങ്ങാനിരിക്കുന്ന വി.കെ.പ്രകാശിന്റെ ചിത്രം മഴനീര്‍ തുള്ളികളും കമലിന്റെ ‘നടൻ’ എന്ന ചിത്രത്തിലെ ഗാനങ്ങള്‍ക്കും വില്യമാണ് പ്രോഗ്രാം ചെയ്തിരിക്കുന്നത്.
വി.കെ.പ്രകാശ് സംവിധാനം ചെയ്ത ഗുലുമാല്‍ എന്ന ചിത്രത്തിലൂടെയാണ് മലയാള സിനിമയിൽ നായികമാരുടെ നിരയിലേക്ക് മിത്ര എത്തിയത്. പന്നീട് ശ്രദ്ധേയമായ വേഷങ്ങൾ ചെയ്തു.
ബോര്‍ഡി ഗാര്‍ഡ് എന്ന ചിത്രത്തിലൂടെ മലയാളത്തില്‍ ശ്രദ്ധേയമായ മിത്ര തമിഴ് സിനിമാരംഗത്തും തന്റേതായ സ്ഥാനം നേടിയിട്ടുണ്ട്. മോഹന്‍ലാല്‍ നായകനായ ലേഡീസ് ആൻഡ് ജന്റില്‍മാന്‍ എന്ന ചിത്രത്തിലാണ് മിത്ര മലയാളത്തിൽ ഒടുവിൽ അഭിനയിച്ചത്.
പൃഥ്വിരാജ് നായകനായ ലണ്ടന്‍ ബ്രിഡ്ജ് എന്ന ചിത്രത്തില്‍ അഭിനയിച്ചു കൊണ്ടിരിക്കുകയാണ് മിത്ര ഇപ്പോള്‍.
No comments:
Post a Comment