ജീവിതത്തില്‍ ഒരു അബദ്ധം പറ്റി, അതു മറക്കാനാണ് ഇപ്പോള്‍ ശ്രമിക്കുന്നത് : ഭാമ
തനിക്കു പറ്റിയ അബദ്ധത്തെക്കുറിച്ച് ഓര്‍ത്താണു ഭാമ ഇപ്പോള്‍ വിഷമിക്കുന്നത്. ഇറങ്ങി തിരിച്ചപ്പോള്‍ ഇത്രയും വലിയ കെണിയില്‍ ചെന്നു വീഴുമെന്നു കരുതിയില്ല. ഇപ്പോള്‍ തിരിച്ചു കയറാന്‍ പറ്റാത്ത അവസ്ഥ. പോരാത്തത്തിനു മാധ്യമങ്ങളുടെ കുത്തിനോവിക്കലും. സംഭവം മറ്റൊന്നുമല്ല കന്നഡ ചിത്രം ഓട്ടോ രാജയില്‍ ഐറ്റം സോങ്ങ് ചെയ്തത് നടിക്കു വിനയായത്. തന്റെ ജീവിതത്തില്‍ സംഭവിച്ച വലിയൊരു അബദ്ധമായി എന്നാണ് ഭാമയിപ്പോള്‍ ഇതിനെ വിലയിരുത്തുന്നത്. കുട്ടിയുടുപ്പിട്ട് കന്നഡ നടനോടൊപ്പം ആടിയ ഭാമയെ കണ്ട മലയാളികള്‍ നടിക്കെതിരെ വന്‍ വിമര്‍ശനം ആണ് ഉന്നയിച്ചിരുനത്. ഐറ്റം സോങ് ചെയ്യാന്‍ തയ്യാറായത് തെറ്റായിപ്പോയെന്നും ഇനി ഇത്തരം ഗാനരംഗങ്ങള്‍ ചെയ്യില്ലെന്നുമാണ് ഭാമയിപ്പോള്‍ പറയുന്നത്. പോയ ബുദ്ധി പിടിച്ചാല്‍ കിട്ടില്ലല്ലോ. സിനിമയില്‍ അത്തരം ഒരു രംഗം ആവശ്യമായത് കൊണ്ടാണ് തനിക്കത് ചെയ്യേണ്ടി വന്നത് എന്നാണ് ഭാമ പറയുന്നത്. തന്റെ ആദ്യത്തേതും അവസാനത്തേതും ആയ ഐറ്റം ഡാന്‍സ് ആയിരിക്കും അതെന്നും ഭാമ അടിവരയിടുന്നു. ദയവായി തന്നെ ഐറ്റം ഗേള്‍ എന്ന് വിളിക്കരുതേ എന്നാണ് ഭാമ അപേക്ഷിക്കുന്നത്.
അതു കണ്ടറിയാം. ഈ പറച്ചില്‍ നിരവധി നടിമാര്‍ നല്‍കിയത്. ഒടുവില്‍ ഐറ്റം ഡാന്‍സ് മാത്രമേ ചെയ്യൂവെന്നു പറഞ്ഞ നടികളും ഉണ്ടായിട്ടുണ്ട്. ഈ ഗണത്തില്‍ ഭാമ വരുമോ എന്നു കാത്തിരുന്നു കാണാം.
No comments:
Post a Comment