Watermark Media

ശ്രീജിത്ത് വിജയുടെ അടുത്ത ചിത്രം ഫ്രണ്ട്ഷിപ്പ്

ഫാസില്‍ സംവിധാനം ചെയ്ത ലിവിങ് ടുഗതര്‍ എന്ന ചിത്രത്തിലൂടെ മലയാളത്തിന് ലഭിച്ച യുവതാരമാണ് ശ്രീജിത്ത് വിജയ്. പിന്നീട് നമ്മള്‍ ശ്രീജിത്തിനെ കണ്ടത് രതിനിര്‍വേദം റീമേക്കിലാണ്, അതിലൂടെ താന്‍ മികച്ചൊരു നടനാണെന്നകാര്യം ശ്രീജിത്ത് തെളിയിച്ചു. ഇപ്പോഴിതാ ഫ്രണ്ട്ഷിപ്പ് എന്ന ചിത്രത്തിലൂടെ വീണ്ടും ശ്രീജിത്ത് എത്തുകയാണ്. കോളെജ് വിദ്യാര്‍ഥിയായ രാഹുലാണ് ശ്രീജിത്ത് അവതരിപ്പിക്കുന്ന കഥാപാത്രം. ത്രികോണപ്രണയമാണ് ചിത്രത്തിന്റെ പ്രമേയം. ശ്രീജിത്തിനെക്കൂടാതെ മറ്റുചില പുതുമുഖതാരങ്ങളും ചിത്രത്തില്‍ പ്രധാനവേഷങ്ങള്‍ അവതരിപ്പിക്കുന്നു. തമിഴിലും മലയാളത്തിലുമായിട്ടാണ് ചിത്രം ഇറങ്ങുന്നത്. എന്‍ജിനീയറിങ് കഴിഞ്ഞ് മോഡലിങ്ങിലേയ്ക്ക് തിരിഞ്ഞ ശ്രീജിത്ത് ഭീമ, റിലയന്‍സ് തുടങ്ങിയ സ്ഥാപനങ്ങള്‍ക്കായി മോഡലായിട്ടുണ്ട്. രതിനിര്‍വേദത്തിന് ശേഷം മാഡ് ഡാഡിലും 72 മോഡലിലുമെല്ലാം ശ്രീജിത്ത് അഭിനയിച്ചു. ഇതില്‍ 72 മോഡല്‍ വലിയ പരാജയമായിരുന്നു.