ഇനി അശ്ലീലം എഴുതില്ല; ഡോള്‍ഫിന്‍ ബാര്‍ വ്യത്യസ്തമായിരിക്കും: അനൂപ് മേനോന്‍
തന്റെ തിരക്കഥകളില്‍ ഇനി അശ്ലീലം ഉണ്ടാകില്ലെന്ന് നടനും തിരക്കഥാകൃത്തുമായ അനൂപ് മേനോന്‍. അനൂപ് മേനോന്റെ ചിത്രങ്ങളില്‍ അശ്ലീല വാക്കുകളുടെ കുത്തൊഴുക്കണെന്ന് നേരത്തെ ആക്ഷേപം ഉയര്‍ന്നിരുന്നു. ട്രിവാന്‍ഡ്രം ലോഡ്ജ്, ഹോട്ടല്‍ കാലിഫോര്‍ണിയ എന്നീ ചിത്രങ്ങള്‍ല്‍ ഇത്തരം തെറിവാക്കുകള്‍ കൊണ്ട് നിറഞ്ഞതായിരുന്നു. ഇതുകൊണ്ടു തന്നെ ഹോട്ടല്‍ കാലിഫോര്‍ണിയക്ക് എ സര്‍ട്ടിഫിക്കാണ് ലഭിച്ചിരുന്നത്.
തന്റെ പുതിയ ചിത്രം ഡോള്‍ഫിന്‍ ബാര്‍ തികച്ചും വ്യത്യസ്തമായിരിക്കും. ഈ തിരക്കഥയില്‍ തെറിവാക്കുകളും അശ്ലീലവും ഉണ്ടാകിലെന്നും പ്രേക്ഷകര്‍ക്ക് അനൂപ് ഉറപ്പുനല്‍കുന്നുണ്ട്. അതേസമയം, തനിക്കെതിരെ ഇത്തരം ആരോപണങ്ങള്‍ വര്‍ധിച്ചിട്ടുണ്ടെന്നും ആരോപണങ്ങളെ ഏറ്റെടുത്തുകൊണ്ടാണ് പുതിയ തിരക്കഥ രചിച്ചതെന്നും അനൂപ് മേനോന്‍ പറഞ്ഞു.
തന്റെ മുന്‍ ചിത്രങ്ങളിലെ കഥാപാത്രങ്ങള്‍ക്ക് അത്തരം അശ്ലീല സംസാരം വേണ്ടിവന്നു. ട്രിവാന്‍ഡ്രം ലോഡ്ജ്, ഹോട്ടല്‍ കാലിഫോര്‍ണിയ എന്നീ ചിത്രങ്ങളിലെ കഥാപാത്രങ്ങള്‍ക്ക് അത്തരം സംസാരം വേണ്ടിവന്നു. മറിച്ച് സാമ്പത്തിക നേട്ടമോ, പ്രേക്ഷകരെ കൂട്ടാനോ വേണ്ടിയല്ലായിരുന്നു അശ്ലീലവാക്കുകള്‍ തിരക്കഥയില്‍ ഉള്‍പ്പെടുത്തിയതെന്നും അനൂപ് പറഞ്ഞു.
No comments:
Post a Comment