സുരേഷ് കഥ പറഞ്ഞു, മോഹന്‍ലാല്‍ വീണു
.jpg)
കഥപറഞ്ഞയാള്‍ മറ്റാരുമല്ല ബോളിവുഡില്‍ ഏറെ ചര്‍ച്ചയായ നായികാപ്രാധാന്യമുള്ള ചിത്രമായ കഹാനിയുടെ തിരക്കഥാകൃത്ത് സുരേഷ് നായരാണ്. സുരേഷ് പറഞ്ഞ കഥ മോഹന്‍ലാലിന്‍റെ മികച്ച സിനിമകളുടെ കൂട്ടത്തില്‍ ഒരെണ്ണം കൂടിയാകുമെന്നാണ് കേള്‍ക്കുന്നത്, അത്രയ്ക്ക് മികച്ച കഥയാണത്രേ സുരേഷ് ലാലിനായി പറഞ്ഞിരിക്കുന്നത്. ലാലിന്റെ ക്രിസ്മസ് ചിത്രമായിട്ടായിരിക്കും ഇത് തിയേറ്ററുകളിലെത്തുകയെന്നാണ് സൂചന.
മോഹന്‍ലാല്‍ ലാലിനെ സംബന്ധിച്ച് ഹിറ്റുകള്‍ അനിവാര്യമായ ഒരുകാലമാണിത്. ഏറെ പ്രതീക്ഷകളുമായി വന്ന സിദ്ദിഖ് സംവിധാനം ചെയ്ത ലേഡീസ് ആന്റ് ജെന്റില്‍മാന്‍ അത്രകണ്ട് ഉയര്‍ന്നിരുന്നില്ല, മാത്രമല്ല റെഡ് വൈന്‍ എന്ന ചിത്രവും ലാലിന് വലിയ മൈലേജ് നല്‍കിയിട്ടില്ല. അതുകൊണ്ടുതന്നെ അടുത്തതായി കരാര്‍ ചെയ്യുന്ന ചിത്രങ്ങളെല്ലാം മികച്ചതാക്കുകയെന്നത് ലാലിന്റെ ലക്ഷ്യമാണ്. അതിനായി അദ്ദേഹം മികച്ച കൂട്ടുകെട്ടുകള്‍ മാത്രമാണ് സ്വീകരിക്കുന്നത്.
No comments:
Post a Comment