മോഹന്‍‌ലാലിന്റെ മിസ്റ്റര്‍ ഫ്രോഡില്‍ സുരേഷ്ഗോപിയില്ല
മോഹന്‍ലാലിനെ നായകനാക്കി ബി ഉണ്ണികൃഷ്ണന്‍ സംവിധാനം ചെയ്യുന്ന ചിത്രത്തില്‍ സുരേഷ് ഗോപി ഇല്ല. മോഹന്‍‌ലാലിനൊപ്പം സുരേഷ്ഗോപിയും പ്രധാന വേഷത്തിലെത്തുമെന്ന് നേരത്തെ റിപ്പോര്‍ട്ടുകളുണ്ടായിരുന്നു. എന്നാല്‍ ചിത്രത്തില്‍ സുരേഷ്ഗോപി ഇല്ലെന്ന് സംവിധായകന്‍ തന്നെയാണ് വ്യക്തമാക്കിയത്.
തിരക്കഥയുടെ ജോലികള്‍ പൂര്‍ത്തിയായി. മിസ്റ്റര്‍ ഫ്രോഡിന്റെ ഷൂട്ടിങ് 2013ല്‍ത്തന്നെ തുടങ്ങുമെന്നാണ് സൂചന. ബി ഉണ്ണികൃഷ്ണന്‍- മോഹന്ലാല് കൂട്ടുകെട്ടില്‍ പുറത്തിറങ്ങിയ ഗ്രാന്റ് മാസ്റ്റര്‍ എന്ന ചിത്രം വലിയ വിജയം നേടിയിരുന്നു. അതേസമയം മോഹന്ലാല് തമിഴ് ചിത്രം ജില്ല ഷൂട്ടിംഗ് തിരക്കിലാണ്. ജില്ല പൂര്‍ത്തിയായാല്‍ ഉടന്‍ പ്രിയദര്‍ശന്റെ ഗീതാഞ്ജലിയെന്ന ചിത്രത്തിലും അഭിനയിക്കും. ഇതിന്റ ഇടവേളയില്‍ മിസ്റ്റര്‍ ഫ്രോഡിന്റെ ചിത്രീകരണം തുടങ്ങിവെയ്ക്കാനാണ് ഉണ്ണികൃഷ്ണന്‍ പദ്ധതിയിടുന്നത്.
ഏകദേശം 70 ദിവസം കൊണ്ട് ചിത്രത്തിന്റെ ഷൂട്ടിംഗ് തീര്‍ക്കാനകുമെന്നാണ് കരുതുന്നത്. ചിത്രത്തിന്റെ കുറച്ചു ഭാഗങ്ങള്‍ റഷ്യയില്‍ ചിത്രീകരിക്കും.
No comments:
Post a Comment