പൃഥ്വിരാജും മേഘനാരാജും
കൊച്ചി: പൃഥ്വിരാജും മേഘനാരാജും ആദ്യമായി നായികാ നായകന്‍മാരായി അഭിനയിക്കുന്ന ചിത്രമാണ് മെമ്മറീസ്. ജീത്തു ജോസഫ് ആണ് ചിത്രത്തിന്റെ തിരക്കഥയും സംവിധാനവും. ആനന്ദ വിഷനുവേണ്ടി പികെ മുരളീധരനും ശാന്തമുരളീധരനുമാണ് ചിത്രം നിര്‍മ്മിച്ചിരിക്കുന്നത്. ചിത്രത്തില്‍ പൊലീസ് ഓഫീസറായ സാം അലക്‌സ് ആയിട്ടാണ് പൃഥ്വി എത്തുന്നത്. പൃഥ്വിക്കും മേഘനയ്ക്കുമൊപ്പം ഒരു വന്‍താര നിരതന്നെ ചിത്രത്തിലുണ്ട്. റിയ, രാഹുല്‍ മാധവ്, മധുപാല്‍, പ്രവീണ, വിജയരാഘവന്‍, സുരേഷ് കൃഷ്ണ, ശ്രീജിത്ത് രവി, ബാലാജി, വനിത, സീമ ജി നായര്‍ എന്നിവരും ചിത്രത്തില്‍ അഭിനയിക്കുന്നുണ്ട്. പൃഥ്വിയുടേതായി അവസാനം പുറത്തിറങ്ങിയ മുംബൈപൊലീസ് മികച്ചപ്രതികരണം നേടിയിരുന്നു. ചിത്രത്തിലും പൊലീസ് ഓഫീസറുടെ വേഷമായിരുന്നു പൃഥ്വിക്ക്. മെമ്മറീസിനെകൂടാതെ പൃഥ്വി നായകനാകുന്ന ലണ്ടന്‍ബ്രിഡ്ജിന്റെ ചിത്രീകരണവും പുരോഗമിയ്ക്കുകയാണ്. ചിത്രത്തില്‍ ആന്‍ഡ്രിയ ജെര്‍മിയ ആണ് നായിക. വിനയന്റെ യക്ഷിയും ഞാനും എന്ന ചിത്രത്തിലൂടെയാണ മേഘ്‌ന മലയാള സിനിമയിലേക്ക് കടന്ന് വരുന്നത്. ചിത്രം വിജയിച്ചില്ല. ബ്യൂട്ടിഫുള്‍ എന്ന ചിത്രത്തിലെ മേഘ്‌നയുടെ വേഷം ഏറെ ശ്രദ്ധിക്കപ്പെട്ടു. മെമ്മറീസിനെക്കൂടാതെ ശ്വേതാമോനോനൊപ്പം100 ഡിഗ്രി സെല്‍ഷ്യസ് എന്ന ചിത്രത്തിലും മേഘ്‌ന അഭിയിക്കുന്നു
No comments:
Post a Comment